經常在新聞片段中看到疑犯被警方「黑布蒙頭」帶返警署，究竟戴着頭套有甚麼感覺？網民58X最近就在香港討論區上分享他戴上黑頭套的不快經驗。
「喺前日夜晚，同幾個朋友喺球場飲嘢傾偈時，之後有兩個軍裝差人行過嚟，問我哋喺度做咩？」據網民58X透露，當晚警員在他其中一位友人身上搜出小量搖頭丸，於是即時電召警車到場，將他和朋友帶返警署，脫下鞋襪和身上衣服徹底搜身。
「size唔啱頭形」
「好彩有黑布蒙頭唔使俾人睇到，不過嗰啲黑布袋有陣臭味，唔知有無洗過，同埋個size都唔啱頭形，兩個窿都對唔正隻眼。」雖然最後獲釋，但58X認為戴頭套的滋味非常不好受，最後更語重心長地表示：「睇嚟以後都要帶眼識人！」網民四葉草亦表示：「呢啲損友唔要都罷，係我就同佢絕交，費事俾佢累死。」