噚日有內地消息話謝霆鋒同張栢芝會以夫妻檔合演60集內地劇《三國演義》，飾演主角呂布同貂嬋，雖然有傳栢芝懷孕兩個月，但佢好想接呢部劇，作為產前最後一擊，霆鋒經理人霍汶希就話英皇係《三》劇資方之一，如無意外霆鋒會演出，栢芝都傾緊，但佢話栢芝冇懷孕，至於其他角色，有傳係由姜文扮曹操，房祖名同陳寶國都可能有份演出。