高低能量激光3槍射走皺紋

自古美人如名將，不許人間見白頭。無女人喜歡面對自己日漸衰老嘅痕迹，寬鬆嘅面皮、深深嘅皺紋簡直好似將女人年齡嘅秘密赤裸裸寫於臉上。幸好科技日新月異，最近就引入咗嶄新嘅激光科技，仲差唔多成萬元一次，點解可以咁矜貴呢？今次就來為大家拆解一番。
記者：陳穎欣
攝影：陳偉強、陳盛臣
Model：Vibeke@Starzpeople、May、LiChoiLing

CAP科枝風險低

「雙層集束激光技術」(CAP)於美國備受皮膚科權威重視。其優點乃以同一機器能同時射出高及低能量激光，不但可直達真皮層造成只於該處出現的受損微洞，叫周邊健康細胞快速進行修復，從而令骨膠原蛋白重生。有效重整皮膚骨膠原排列，因此能做到收緊肌膚、改善皺紋及凹凸洞。由於骨膠原重生需時，所以整個療程一般都需要數月時間，亞洲人約做3-5次，每次相隔3星期。使用CAP科技原理和比上一代激光風險較低。

■密排列而極微小的小孔，可更有效分散射出的光束。

鳴謝：何麗容皮膚科醫生

激光過程：

1.接受治療前，客人須聽取所有療程的風險及簽署同意書。

2.療程前，先清除臉上化妝污垢，逐吋於整張臉上打入激光。再於皺紋位置(如虎紋和眉心紋)再射入激光，撫平皺紋位置。

3.激光療程後，治療師會用冷風吹拂一會叫皮膚更舒服。

4.最後以冰袋冷敷5分鐘減退紅腫。

■療程後皮膚出現即時紅腫反應，但一般24小時內便會消失。

試後感：「聽人講話會好痛，其實只係似被針拮拮哋嘅感覺，可以接受。」

一星期後，皮膚感覺緊緻同有彈性咗，面形都尖咗啲。

同類CASE

■眼尾嚴重打摺。

■接受3次療程後,魚尾紋明顯撫平不少。

CAP技術知多啲

優點：快捷省時（每次只需15分鐘）。
減少痛楚。
副作用：除剛完成療程後即時紅腫外，仍未發現任何副作用，不會留下印痕。
注意：可以即時化妝。做完激光療程記得每3-4小時做足有效防曬，阻止UVA及UVB傷害。
收費：在美國做這類療程，一般每次要$1,200美金。

SkinCeuticalUltimateUVDefenseSPF30$264（左）
SkinCeuticalSportUVDefenseSPF45$528（右）

彩光緊膚即時見效

香港人咩都追求快、靚、正，連修面亦一樣，另一部成$8,000一次嘅「速緊」肌膚機亦係最新科技。此機器糅合咗紅外線和射頻兩大原理，令皮膚加熱至50℃，將彩光射入真皮層，達到深層緊膚，使骨膠原重新生長，但又唔會損害皮膚，過程中只會感到微微溫熱。彩光療程由註冊彩光師親自進行，有此資格彩光師在港只有數十人。

1.先以柔和手法按摩潔面。

2.之後磨走死皮，令光線分布更均勻。

3.戴上眼罩後便開始注入彩光。

4.完成整個過程後，最後會敷上保濕面膜。

試後感：「熱熱哋，有點想瞓覺。」

腮位提升咗，而且顴骨位亦較飽滿。

街訪

Fiona：「去紋我都想，但咁貴，係唔係真正有用先？」

Jennifer：「成日要化妝，最擔心皮膚搽唔上粉，仲會出現眼紋，對彩光去紋都幾有興趣。」

ArcheBeautyTherapy（28876161）
「速緊」肌膚療程：全面$6,000至$8,000一次療程