投資通勝:永遠贏家得1個——莊家 - 牽牛

投資通勝:永遠贏家得1個——莊家 - 牽牛

在賭場,從來只有莊家是永遠贏家,你看看金沙賭場老闆艾德森,短短兩年間已由美國富豪榜的307位升至第3位就知道。在賭場有所謂莊家優勢,好像賭骰仔,大細好像是「五五波」,不過卻有圍骰通殺;百家樂唔係開莊就開閒(和當取回注碼論),不過買莊贏來的彩金,卻先抽5%水;賭場就透過長時間與賭客對賭,蠶食賭客注碼。

注碼襟玩咪多心

賭波嘅莊家優勢更明顯,以「比較公平」的亞洲盤為例,上下盤已抽10-15%水;愈多瓣數莊家優勢愈高,歐洲盤(主客和)抽水達20%以上;波膽、半全場、首名入球等,更是蠶食注碼的關鍵。相信不少波友有以下經驗,舉個例子,周二明明看好車路士作客可以迫和巴塞隆拿,重注了1.83倍讓球「下盤」,不過等開波時,又心思思,買番個1:1波膽,為增加睇波興趣,博吓林柏特首名入球;車路士係就係迫和巴塞,不過七除八扣,可能只得5、6成回報;若然巴塞贏波,輸就輸十足。
贏就贏唔盡,輸就輸到盡,原因係你哋將注碼錯誤投放在莊家優勢高的注項上;如果想當賭波為投資,或者心灰啲講句,想注碼玩耐啲;一注過投注全日將最睇好啲上下盤,唔好心多。當然我唔反對球迷將波膽、首球、半全場大互串,不過要有輸晒嘅準備。
文:牽牛