林苑因與側田傳緋聞而成為傳媒焦點，最近她積極學作曲，向才女目標進發。來港數年，林苑不諱言已厭倦了香港急速的生活節奏，心裏最大願望是安頓好家人的生活後，到其他國家生活。林苑堅定地說：「睇個天安排，但愈快愈好啦！」
生活迫人，香港急速的節奏，令只在本地生活了兩年多的林苑感到很大壓迫感，難怪她很希望有天能放下工作包袱，到外地體驗生活，她堅定地說：「我個人好固執，好主觀，我覺得啱嘅嘢就去做，只要我賺夠錢、可以安頓到屋企人，咁我就會去外國，好似歐洲咁囉，睇吓唔同人嘅文化，學習吓人哋嘅好嘢。」
或赴外國留學
其實來港之初，林苑已覺得香港人生活太緊張，故每有空便返內地休息，她說：「有時間返去內地，就會覺得舒服得多，最初都唔覺，跟住𠵱家開始有啲接受唔到。」林苑揚言決定離開的一刻，無人可以阻止，她說：「順其自然啦！就算有男朋友都未必可以叫佢去改變，佢都有選擇權嘅！𠵱家唔知幾時可以起程，睇個天安排，但愈快愈好啦，或者我會去讀書都唔定，到時先算。」
學作曲做才女
林苑出道以來較令人印象深刻是為電影《江湖》唱主題曲，其次便是她與側田的緋聞，也許也叫她疲累。林苑表示將推出新碟，還開始學習作曲，希望大家感受到她對音樂的誠意。林苑說：「之前我都有寫歌，慢慢學習。以前以為寫歌係憑感覺，但後尾發現寫歌都要計算，要用好多時間。」
如果要選擇做型女或才女，林苑寧願做後者，她說：「梗係才女啦！型女得個外表，才女就有內涵，唔同㗎！」
採訪：王連連攝影：陳俊強
場地提供：恒豐酒店
