徐子珊於去年卸任港姐後即備受公司力捧，處女作《女人唔易做》更創下收視紀錄，當中「海璇」一角令她在今年台慶頒獎禮上獲得三項提名，自知演技幼嫩的她未敢奢望得獎。
要說徐子珊是一位幸運兒，相信沒有人否認，她在2004年港姐中奪魁，未及卸任已獲監製潘嘉德賞識，獲邀演出劇集《女人唔易做》，飾演鄧萃雯妹妹海璇。
初嘗拍劇滋味，徐子珊根本還未清楚是甚麼一回事，卻又做得十分投入，還憑該劇於今年台慶頒獎禮中候選三個獎項，包括飛躍進步女藝員、最佳女配角及我最喜愛的電視女角色，她自言始料不及，在台慶亮燈夜得知自己有三項提名，登時捉着經理人分享喜悅。
「最新嘅係我」
日前徐子珊於銅鑼灣接受本報專訪，談到在台慶頒獎禮上獲三項提名，她笑說：「講真，真係好開心，因為冇expect可以有提名，始終自己係新人，所以當日即時捉住經理人同佢講，我真係好開心。」
問徐子珊有否信心奪獎，她說：「有提名已經好開心，因為自己盡咗力，而喺咁多候選人入面最新嘅係我，真係冇諗過攞獎。」
多謝雯女帶戲
首次拍劇已有佳績，徐子珊表示要多謝潘嘉德賞識，她說：「德哥喺我未卸任已搵我做呢個角色，所以獲提名後，我都有打電話多謝佢。另外都要多謝雯女（鄧萃雯），因為佢真係好帶到我入戲，我第一次拍劇，好多嘢都要適應，又談唔上有演技，但佢令我好投入個角色，所以呢套劇令我拍得好開心，𠵱家喺街度都有唔少市民叫我個角色名海璇。」
採訪：馮美茵 攝影：陳偉權
服裝提供：CharlesJourdan
場地提供：PaxLounge
