名模陳沛嘉及陳見飛等前晚到中環出席PerrierJouet香檳活動，真空上陣以紅色低胸裙示人的陳沛嘉表示因生日快到，特別穿紅裙催旺自己，她指出門前在家中已與男友歎過香檳，男友更幫她檢查裙子有沒有走光。
陳沛嘉說：「我同男友成日喺屋企飲香檳，工作完結輕鬆吓囉，同埋飲少少酒好嘅，我好信酒後吐真言呢樣嘢，男友嘅好處係佢唔係淨係齋講唔做嗰種人。」那麼男友有否向她求婚？她說：「咁又未，睇定啲都唔遲啦。」
陳見飛忙創業
此外，陳見飛透露忙於籌備生意，近期忙於與律師傾談細節，談到胞弟陳冠希與楊超成女兒Vincy拍拖，問她會否覺得女方只得18歲太年輕，陳見飛說：「年齡唔係問題，我見過呢個女仔，佢好sweet。」採訪：GeneNg
攝影：ChanShunChing