一連四日、由顧媚、顧嘉煇（左）同顧嘉鏘三姊弟聯手舉行嘅「萬水千山總是情——顧氏姊弟三人展」，吸引唔少明星名人到場，包括六嬸方逸華、林青霞同葉麗儀（右）等。噚日畫展終於圓滿結束，主辦單位話今次展出嘅作品全部賣出，當中以顧媚嘅山水畫最受歡迎，估計可以籌到過百萬，善款撥捐獅子會顧嘉煇音樂基金，培育音樂人才。