近期話題最多嘅人物，真人版就梗係小小超啦；卡通人物就非Keroro軍曹莫屬。上至師奶，下至小朋友，都對佢愛不釋手！
豐明銀行就喺噚日推出咗軍曹信用卡，有兩款卡面揀，成功申請兼首2個月簽賬滿6000蚊，仲可以帶埋軍曹冷暖櫃番屋企。產品及市務部主管陳偉思話，𠵱家張卡喺集成中心做緊roadshow，曾經有小朋友見到軍曹禮物，即刻由隔籬間麥記衝出，問推廣嘅哥哥姐姐：「用麥記換軍曹得唔得呀？」竟然連最愛麥記都可以放棄。
難怪陳偉思話，絕對有信心年底前，收到過萬份申請，而年底前，應該仲有兩張新卡推出，華華問吓會係其他軍曹成員，定係其他卡通人物啦，佢就賣晒關子，留待下回揭曉。