鬼馬車：VenturiAstrolabConcept　太陽曬出21匹

鬼馬車：VenturiAstrolabConcept　太陽曬出21匹

曾特首同廖局長成日話力撐由政府發起嘅「藍天行動」，除咗推行各項環保措施，仲話會幫政府車隊入番啲行HybridSystem嘅新車喎；既然係咁，大可以諗吓呢部由VenturiAstrolabConcept推出嘅太陽能跑車，佢既無耗油量又係零污染，可以話係近年嘅環保車佳作。
記者：鄭達基

■車尾設計一樣Sell簡單，絕無半點花巧。

■總面積3.6平方米太陽能板，行車一樣可叉電。

120km/h算快喇

用呢部VenturiAstrolabConcept做政府車，都係講吓笑啫，但係部車真係有SellingPoint！原因好簡單，佢完全用電去驅動，車上裝有一組HydrideMetalNickel電池，可在家中叉電之外，更可配合設於車上嘅收集板，將太陽能轉化成電能，儲於蓄電池內又或者邊叉邊用。部車所使用嘅電馬達，可輸出馬力高達21匹，對呢部2座位跑車嚟講，已經夠用有餘，而每次叉滿電行，可行走距離達110公里，極速仲可以去到120km/h咁快㖭！

外觀車廂好簡單

VenturiAstrolabConcept最正嘅唔只係佢用太陽能去推部車，夠晒環保之外，最緊要係佢車內車外嘅Design都好簡單，唔會有咩花巧設計；其中車廂係一對桶形跑車座椅，襯埋3幅式跑車軚環，坐落好似揸住部F1戰車一樣咁有Feel。但呢一刻反而有條問題，就係望落去部車好似無車門咁，究竟乘客可以點上車呢？

■錶板設計毫不複雜，軚盤更是3幅式設計。