好多人都話，幾合拍嘅情侶拍檔一齊做生意？不是「炒大鑊」就是意見有分歧，今日才知道凡事有例外。移民加拿大回流香港的Heather遇上在加拿大讀書的台灣人Tony，由拍拖到現在一齊做生意，同樣是一拍即合。對味精過敏是兩人開日本餐廳的原因，Heather話︰「喺北美住得耐，食嘢都好清同健康，一食味精就會頭暈、頭痛、手腳腫痛。」對比起經常食味精的香港人，他們在香港食嘢，真係幾危險。
小記問︰「做生意會唔會好多爭執？」Heather︰「無事喎，大家有唔同意見一定有，一定有商有量唔會嗌交，大家各有長處互補不足。」不懂廣東話的Tony在一旁點頭附和，Tony是marketing出身，所以店中策劃、development的工作都是由他負責，Heather就負責店中的營運為多，兩人分工合作講個信字，小記黑心，心諗真係咁好？（真係無嘈過？）Tony只是淡淡的一句︰「Itrustherdecision。」Heather甜笑回應，有默契得不得不叫小記投降了。
記者︰方綺君
攝影︰伍慶泉
和風極上牛扒$98
澳洲入口的上等牛肉，Tony至愛。肉質較少肥膏，燒過的牛扒外脆內軟，混入師傅秘製的醬汁，入口更惹味juicy。
火燄壽司拼盤$68
以火略燒的壽司拼盤是受歡迎菜式之一。半生熟口感獨特，味道甘香，最重要是無落調味，仍然可以食出魚生的鮮味。
刺身拼盤$168
每日由日本空運到港的刺身，經已保證夠鮮味，最重要一定無味精、無調味，啱晒Heather同Tony口味。
萌moeh（28822167）
地址︰銅鑼灣記利佐治街1號金百利商場7樓R2舖
