好多司機見到前面部車開得慢阻人前進的話，好多時會用「推人」呢招，將前車迫到其他行車線，但唔知當大家（包括我）喺做呢啲事嗰陣，又有無諗過其他人嘅安全呢？網友MKLFG最近喺《香港討論區》嘅「咁叻就唔好推我啦」Topic中，提到「昨晚行吐露港公路，我行緊中線80，快線有架CF4以超快速度經過，跟住好快就有Altezza黐住我後面嚟行，黐咗一陣，對燈又光，我故意收慢讓佢先爬頭過……」，跟住網友法欄go則話：「不過有時遇到啲慢車死都要行住快線，中線有位都唔Cut番出去，阻住個宇宙運行。」而東瀛居士更打趣話：「咁鍾意推，不如叫佢哋推吓貨櫃。」
HolidayDriver揸車，大多喺快線慢慢行，所以喺公路上見到車推車嘅情況可謂十分普遍；但記住，如果前面有突發事件，你唔會有足夠時間作出反應，更隨時有機會被警方以不小心駕駛罪名檢控，一經定罪，最高可被判罰款$5,000及入獄6個月外，更會被扣5分甚至停牌。
記者：鄭達基
討論網址： http://www.discuss.com.hk/viewthread.php?tid=2644987&extra=page%3D1&page=1