都十一月啦，空氣雖然湧動着幾絲亁爽，朝頭晚尾幾陣涼意，北風就是不扣門，引不起吃大閘蟹勁兒，上海那幫不識上海話的香港上海婆已開始鼓譟：「喂，好嚟上海囉噃，人人等緊你百幾二百隻蟹㗎……」是的，每到這個季節我的一些忠心客戶，從常州、杭州及蘇州為我準備着百多二百隻揀手好蟹，例必送到上海香港幫供豬朋狗友消化消化。
雖然仍未去到一頓十隻八隻蟹的豪食心情，但零零星星這裏兩隻那裏三隻的蟹宴倒未停止過，例如朋友設宴廣州建設六馬路（花園酒店背後左側）的上海江南菜館「流金歲月」，吃了一頓上好蟹宴，九道菜，道道有特別；其中古法大閘蟹、蟹粉龍鬚桂魚、清蒸出世紙打印陽澄蟹及蟹皇菜飯煲都是毛蟹好菜式。
最吸引為食鬼當然是最後一道主食──蟹皇菜飯煲。畢竟南方人最重要還是那口米飯，飯桶們見原煲上枱，拍掌助興，歡呼有之。
上海毛豆菜飯、鹹肉菜飯都是香港人的心頭好。台灣人撚手紅蟳米糕又是一道吃得人心淫食的一道美味，多年前在高雄朋友家初嘗，伯母手勢至今難忘。
家母的禮雲子蒸飯亦是一絕。
沒有問過正宗上海朋友，未知蟹皇菜飯煲是否真正原裝，還是廚師新創，總之味道賣相口感全部三粒星，各位如果公幹，廣州交易會之類到廣州，不妨試試這煲蟹飯；內容其實以蟹粉置於青豆白米之上共蒸之，重要是蟹粉份量足，調味濃淡適中，米粒選擇及蒸飯火候。
「流金歲月」這味蟹飯美妙在於蟹粉香甜鮮美但非濃厚沉濁，米飯清甜入口有米格。平常蟹宴我們會準備白粥或生炒糯米飯打底，但並非最佳選擇，這次試過這味蟹皇菜飯煲，拍晒手掌，從此吃蟹，一直吃到尾都是蟹，就是那口米飯蟹到底，實在一大發現。新Order。