鄭少秋、黃耀明、關淑怡、王傑、雷安娜、林峯、徐子珊等，昨日在紅磡體育館後台出席「我們的世紀金曲演唱會」拜神儀式，汪明荃因為腳傷舊患復發，所以缺席拜神活動，該演唱會將於今天開始一連四晚舉行。
要欣宜捱鑊甘
問秋官為何沒有推薦欣宜參與今次的演出？秋官說：「欣宜都冇金曲，等佢喺呢行捱鑊甘先啦！打滾吓，大家都先注意佢，𠵱家跟住劉老師（劉家昌）會好啲。」
早前有周刊報道肥姐沈殿霞託孤劉家昌，秋官聽罷有點不悅的說：「大家都明白，唔係嗰回事，阿肥康復得好好，因為之前做完手術，休息瞓喺床咁耐，𠵱家至開始落床慢慢行下，織吓冷衫，鬆吓筋骨。」此外，對於查小欣在電台節目指肥姐應在今個月出院，秋官說：「冇咁快，望係咁望啫！」
採訪：魯萍
攝影：葉君海