谷祖琳（細Joe）昨日凌晨12時與鄒凱光主持商台新節目《夜夜開放》時，自爆抗拒性伴侶替她口交後再錫嘴，又謂自己只親吻已有高潮，言論大膽開放，堪稱新一代性女。反而嘉賓楊千嬅表現避忌，欲拉開話題及保持沉默。
谷祖琳與倪震主持商台舊節目《絕情谷》時，談及兩性相處已相當敢言，昨日凌晨她在與鄒凱光主持的商台新節目《夜夜開放》中，表現更為開放，反而嘉賓楊千嬅則保持緘默。
千嬅怕被投訴
細Joe在節目開始不久已大談口交經驗，鄒凱光先說：「咀完第二啲地方可唔可以錫嘴？」細Joe說：「考oral？……我都有量度過，做完呢件事再錫個男仔，會唔會唔衞生。」鄒問細Joe是否遭對方抗拒？她說：「佢又唔抗拒喎，不過人哋幫完我之後再錫我，我就有少少擰歪囉。」
及後楊千嬅與DJ余廸偉到達，面對谷祖琳追問做愛時會否親吻，及錫人會錫左或右邊等問題，千嬅相當避忌，她說：「我想扮唔喺度……我想同大家分享，但太多title喺身，好易俾人投訴。」千嬅只肯透露錫人會錫右邊。再問若大清早男友要求行房會如何？千嬅起初欲拉開話題，最後才說：「自己可以選擇唔理，唔一定要女人遷就。」
愛接吻慢慢啄
談到做愛是否可不親吻，千嬅說：「吓，呢啲個人正常反應，睇基本組織有冇問題。」細Joe此時終忍不住說：「有啲女人齋咀都有高潮，我自己都會咁，絕大部份女人做時冇高潮，其實好唔公平。」余廸偉即說：「咁你好抵玩。」細Joe謂：「玩過冇得做咪好唔着數？」談接吻時會否咬對方嘴唇，已保持緘默良久的千嬅，此時被主持要求回答問題，她尷尬說：「夠鐘去新聞。」細Joe惟有自爆：「我好鍾意，好似雞仔逐啲慢慢啄，好似食粟米咁。」
千嬅接受訪問時表示事前不知該節目話題如此大膽，她謂會以十大傑出青年的態度去回答問題，又說：「我最近派新歌，如果佢哋連播十次，我就乜都答。」
採訪、攝影：馬建華
