剛喺世界籃球錦標賽居季軍嘅美國夢幻7隊，終於攞番個安慰獎。因為國際籃協噚日宣布，07年嘅奧運男籃美洲區外圍賽，將會喺拉斯維加斯舉行，意味「夢7」毋須再長途跋涉遠征，只要喺家門口就可以爭取08北京奧運嘅入場券。唔講唔知，最初美洲區賽事原來係喺反美嘅委內瑞拉舉行，因為經費不足才被取消資格。