陳紀匡讚陳茵媺身材好

最近有雜誌拍到應屆港姐冠軍陳茵媺同歌手陳紀匡（原名陳建穎）同車嘅相，仲話佢哋拍拖食飯。噚日陳紀匡去大會堂欣賞顧嘉煇嘅畫展，佢話：「嗰日我第一次同佢出去食飯，我識佢嗰陣佢都未選港姐。」陳紀匡又大讚陳茵媺係個好女仔，讀書多，人好身材好，至於會唔會學李克勤咁，追求港姐冠軍？佢就話唔會因人哋係冠軍而追求，不過佢補充話大家只係朋友，冇發展可能。