摩根士丹利前亞太區經濟師Andy謝國忠，自9月中因一封講及新加坡嘅內部電郵外洩而突然離職後，上周六首次在北京公開露面，佢主要應中國寬帶產業基金會主席田溯寧邀請，出席第三屆中國留學人員回國創業發展與交流大會作演講嘉賓。
「我不敢亂講，亂講是要惹麻煩的。」Andy嘅幽默開場白引發全場大笑。而佢嘅出現，亦吸引幾十家媒體趕到現場向他圍攻，不過，佢多數沉默應對。只係話：「這段時間還在休息，沒有想做甚麼。」而以後做乜嘢行業，去邊度都未決定，佢又承認，有幾百家對沖基金搵佢，「名單都看不過來。」
不過Andy繼續保持敢言作風，佢話，大部份資產控制在政府，老百姓並沒有享受到與經濟增長同步嘅財富增長，而要改變呢一現狀，就係要將部份國家財富轉移到老百姓手中。