楊怡昨日往柴灣一影樓拍攝「變靚啲」豐胸產品廣告，合共拍攝四個包括穿上比堅尼的造型，她自稱勤力做豐胸療程後，上圍已由31A升至33B，楊怡說：「豐咗胸真係有晒自信，以前已經有人垂涎我嘅美色，𠵱家就多咗人開口讚我㖭，上圍豐滿晒，我要置過晒啲衫同bra，啲舊bra可以DIY再用㖭。」
石詠莉被雪
負責人蕭定一也有監場，問他楊怡這新代言人表現如何？他說：「又乖又靚女又大，我係話顴骨大啫！」蕭定一其後又大談旗下代言人，他說：「有啲藝人好計較，唔係成日肯出嚟宣傳，袋咗嚿錢就走，楊怡態度就好好，做機又有恒心，其他好似陳煒、肥媽佢哋都好好，阿Rain（李彩華）就唔使講㖭啦，又搏命，性感尺度又寬闊。有個Suki（石詠莉）就麻麻啦，呢個𠵱家我雪緊佢，佢瞞住公司拍拖，拍拖冇問題，講大話就唔啱，我想佢冷靜諗吓自己有冇錯。」
採訪、攝影：顏英儀
