唐丁丁叫廠商關門

唐丁丁叫廠商關門

國家環保局國際合作司副司長唐丁丁,日前應貿發局之邀,出席在港舉行嘅環保展講座,向環保業人士講解現時國內環保旗幟高舉下,為商界帶來幾大嘅商機。
不過,有機亦有危,佢提醒港商,早於兩個月前,環保局局長同31個省嘅省長,簽訂承諾責任狀,各省省長都要孭飛,於2010年達致節能降耗指定目標,佢相信,呢個責任會層層下壓,最終細至每個市、區嘅區長,要同區內嘅廠商簽訂相若嘅承諾書,企業亦要孭起一定責任。
呢位名叫丁丁嘅副司長,說話亦鏗鏘有聲,佢話按專家估計,香港嘅污染,有10至20%來自珠江三角洲,而珠三角近百萬家企業中,有8萬多家屬於港商,而點樣處理企業污染問題,相信只有3個方法,一係關門;一係提升工業水平,降低耗能排污水平;一係將廠西移,佢希望係第二者。
他又話,國家十一.五期間,會投資1.53萬億元人民幣喺環境保護上,當中對環境監察網絡系統、核輻射監察系統嘅需求都好大。