陳慧琳（Kelly）日前拍攝新歌《海豚》MV，內容以一對情侶日常的溫馨生活為主題，所以導演特地借用了一間三層高的大屋作拍攝場地，Kelly還要親手下廚為男朋友煮飯、布置家居及製作小禮物等，體貼溫馨。
問Kelly新歌想要表達何種意思時，她說：「呢首歌最先係由經理人鍾珍構思，佢有次睇電視，知道海豚原來會發出一種聲波令小朋友開心，之後佢就同雷頌德（Mark）提起呢個意念，阿Mark覺得我個人好開朗，同我相處嘅人會好舒服，所以就同林夕合作咗呢首《海豚》，等我可以化身海豚，比喻為愛情嘅守護者，一生一世為伴侶護航。」
心意最重要
MV的情節，是講述Kelly在家為男朋友打點，還會摺紙海豚送他作小禮物，Kelly有感而發道：「其實好多時見啲朋友同伴侶相處時間耐咗，感情愈嚟愈淡，所以我建議佢哋久唔久可以送啲小禮物畀對方，唔使好貴㗎，好似以前流行摺幸運星，𠵱家可以摺海豚，都係一份心意啫。」
撰文：丁寧
