謝霆鋒昨日現身機場，準備出發往柬埔寨拍攝無綫節目《向世界出發》第二輯，行程合共六日。問他此行將踏足地雷區，太太張栢芝沒有阻止嗎？霆鋒暗笑說：「冇呀，做嘢，我都簽晒受益人（指買保險）。」問到受益人可是栢芝？霆鋒只謂：「唔講。」
太太冇表示
提到剛奪得《第二十八屆大眾電影百花獎頒獎典禮》最佳男配角，霆鋒坦言是意料之外，太太也沒有特別獎勵。問他通知了母親狄波拉沒有？他說：「當晚打得通電話畀佢。」曾有相士指栢芝與霆鋒命格相剋，不過綜觀霆鋒婚後事業順利，他笑說：「我公還公私還私，冇諗過結婚有冇旺。」記者表示他今次獲獎大可推翻相剋一說，霆鋒就謂：「唔好啦…如果唔係蘇民峰就係第一個打畀我㗎喇。」
採訪、攝影：馬建華