港股上周五創出歷史新高後，倒跌收場，此等情景似曾相識，以往亦試過多次單日轉向，大市升到接近18500水平，係時候要調整，但幅度唔會大，整固完成後，年底前仍可看好。
恒指由6月中的15200水平起步，4個月以來，未試過真正的調整，現時累積升幅近21%，調整隨時會出現，第一站係18000，極其量只會落到17600，後市再升，可向19000至19500進發。
由15000多點開始一路睇好，在唔少人睇淡聲中，港股終創出新高，短期市勢雖會變得反覆，但中長線向好的看法，未有改變。大行方面，目前睇得最好係瑞銀集團，佢哋嘅目標係明年恒指可升上21700。
短線目標3.55元
北泰創業（2339）上禮拜由2.80元抽上3.25元後，回一回氣，上周五收3元，可吼位上車，整固完成後再上，短線目標係3.55元。
北泰主要產銷制動系統，大部份外銷美加同歐洲，未來發展重點係拓展內地市場，期望可於3至5年內達到佔整體營業額20%的目標。北泰最近同DelphiTechnologies訂立技術特許協議，為期10年，提升摩擦材料生產技術，有助推高毛利率，對公司長遠發展有利。
北泰06年度（3月年結）獲利3.47億元（人民幣．下同），升27%，每股盈利35.2仙，升21.7%。今年4月配售1.7億股，每股3.625元，集資約6億元，用作擴展廠房及產能，預期07年度盈利可上升至4.5億元，每股盈利36仙，以10倍PE計，股價已可見3.60元。配售貨源大部份由基金接去，基金落得手，必有把握，股價遲早會上返水面。
滙豐證券最新研究報告給予北泰的投資評級為「增持」，目標價維持5.10元，有逾60%的上升空間。北泰08年度每股盈利估計可升至43仙，睇多1年，股價上升動力仲大。
郭兆誠