航空母艦工行上周登陸港交所後，有關其追揸沽策略，仍然是網民討論熱門話題之一。
香港討論區hattaip2就話：「工行掃嚟都冇用，太大size炒唔起，而且中國政府支持經濟穩定政策，唔會有太大升幅。」不過唔少網民就等工行股價回落再入貨，LamChon話，如果落到3.3元，佢就入番十手八手；ascll更加睇話中長線目標價係4蚊。
公眾投資168上嘅網民yylam就指出，由於陸續公布踢工行入乜乜指數成份股，Fund佬追貨，短線未必可以跌到佢嘅目標價，都係等啲大戶掃完之後，睇吓回番咩嘢價先再入。cityhunter估佢會有機會回落至3.3元，但唔會係今個星期。
而不少網友都未沽，天才波話：「未沽。得嗰一手，費事沽，長揸到老。」雜工亦話：「未沽。因為不滿足，而且又不憂會倒閉。」工行上周五在港收報3.52元，較招股價3.07元高14.66%。