朗尼演帽子戲法，打破入球荒。同樣高質嘅舒夫真高，又幾時重振當年雄風，令後衞同龍門腳軟？
你估舒夫去米蘭實驗室真係有用咩？都係靠自己好啲！車仔作客巴塞，我諗舒夫會踢得比較舒服，冇壓力！第一：巴塞今晚肯定主攻，舒夫可能有較多空間；第二：林柏特、波歷克同杜奧巴狀態十足，可為舒夫提高足夠供應！作為愛「車」之人，我今晚嘅期望係可以守和巴塞，足令主隊身陷絕境！
我亦支持不來悔，高路斯同廸亞高咁「弗」，全取3分應該冇問題！而今明兩晚其餘必勝球隊，小弟覺得會包括：阿仙奴、曼聯同皇馬。兵工廠形勢所迫，不勝無歸；而後兩者則因為球員「忽然有火」，將會去到盡，我所指係朗尼同魯爾！
拜仁同華倫有隱憂
至於有隱憂嘅則包括：利物浦、燕豪芬、拜仁同華倫，以上4隊形勢絕佳，呢輪賽事只要唔輸出線在望，有權和波！睇過巴勒莫近期真係好勁，無論防守，或打逆境波都得，球員心理素質超勁，星期四足協盃對紐記冇得輸！
周鵬
商業1台《球迷集中贏》主持
電郵：[email protected]