關心妍前晚以巫婆look到旺角出席為聯合國兒童基金會籌款的千人火鍋宴，還出錢包下兩席宴請歌迷，善心滿瀉。不過這位好心巫婆原來患了感冒，但仍與歌迷「烚吓烚吓」，容易交叉感染傳播病菌！
關心妍前晚與楊千嬅到旺角花墟球場，出席為聯合國兒童基金會籌款的「鍋心暖暖哈囉喂」慈善火鍋籌款活動，無綫節目《美女廚房》的「食神」周中師傅及粥粉麵飯糖水也來助興，與現場2,500人一起打邊爐，籌得逾百萬善款。
包兩圍做善事
自詡是靚女巫婆的關心妍前晚自掏腰包，以4,800元包下兩席，與歌迷預祝萬聖節，她說：「我哋講好要一齊扮嘢，佢哋（指歌迷）冇準備，我就唔畀佢哋食嘢。」明知是打邊爐活動，可是關心妍卻表示自己感冒未癒，不過打針後病情已有好轉，問她不擔心帶病上陣容易交叉感染傳播疾病？她說：「我會小心啲，都唔想人哋感染。」
同場的楊千嬅表示參加千人打邊爐還是首次，加上天時暑熱在露天場地舉行，別有一番風味。由於之後還要趕往錄音，她只得提早離場，還笑說：「我都忙到十吓十吓，唔可以一齊食呀。」
錯過Sammi出騷
有傳千嬅將轉投東亞娛樂，隱居多時的東亞一姐鄭秀文（Sammi）日前即高調亮相何韻詩個唱，千嬅表示因要為《東華》綵排未能親往捧場，又謂：「我會睇番DVD，我都好miss佢。」問千嬅可覺得Sammi此舉是想鞏固自己的一姐地位？她說：「唔關事，我唔想回應，真係要出嘅話就要寫大大篇，啲相唔好出我皺晒眉同嘟嘴嘅，影響自身同姻緣運呀。」談到前日參加朋友的婚禮，千嬅表示新娘未拋花球她已離開，又說：「其實冇人催我結婚，𠵱家唔一定要結婚，結婚好麻煩㗎。」
此外，楊千嬅昨日以教育基金助學大使身份到沙田參與慈善步行活動，她表示籌得善款將幫助內地偏遠山區興建學校，她說：「教育對下一代好重要，所以我都有參與助學捐款，我仲考慮成立基金，幫助有需要嘅人，仲會捉埋我班fans去做義工，好過佢哋無所事事去追星。」
採訪：馬建華 攝影：陳俊強
