今日係萬聖節，自細喺美國長大嘅陳法拉特別鍾意呢個西洋鬼節，仲會約埋鄰居開派對，佢話：「每年我嘅造型都唔同，我最鍾意扮公主，因為好靚。開完派對，我就會同其他小朋友拍門問附近嘅鄰居攞糖，次次收穫都好豐富，多到幾個月都食唔晒。」陳法拉表示最難忘有長者改派美金代替糖果，十足十新年派利是一樣。