次次睇完電視、雜誌，一見親啲外國人改車改到神乎奇技，次次都拍爛手掌叫好。今次去英國出Trip，終於有幸親眼見到呢啲奇人奇技，在牛津街頭漫步，已經俾我見到兩架改裝車，你可能會話：「旺角大把啦。」如果係咁，你就錯啦，因為此改裝不同彼改裝，人家鬼佬玩改裝零舍唔同，話之你老爺車一樣照改可也。大至包圍，小至車窗都照改，預咗你唔服，好似部福士Van咁，竟然裝咗廁所用嘅百葉窗，我就特登影埋相畀你睇，唔到你唔服。
記者、攝影：黃婉冰
嘩，一體式頭泵把連「大拋沙板」，好似倒模出嚟咁滑溜，睇到我流晒口水。
福士Van自製百葉窗
