𠵱家嘅球迷真係幸福，一個星期有兩輪比賽睇，話咁快歐冠盃又嚟喇，周中重頭戲係巴塞隆拿主場對住車路士啦！呢對寃家真係好似梅花間竹咁，一隊贏一年。兩星期前車仔在主場不被看好的情況下，竟然遇到巴塞發波瘟而贏波。
兩周過後，巴塞係國家打吡輸畀皇馬，仲輸夠兩粒，「細哨」繼續唔掂，前鋒又繼續冇伊杜奧，古莊臣仲畀人懷疑係「陳永仁」！睇番車路士，𠵱家手上有9分，出線幾乎冇問題，但對住巴塞呢啲仇人，一定唔會手軟。再賤啲嘅話，大可以先贏巴塞，然後放水畀不來梅，隨時可以打巴塞落地獄。所以話呢場波車仔場內場外，球員心理上都佔有上風！
不來梅今場必搏命
另外同組嘅索菲亞利夫斯基主場對雲達不來梅，唔使諗咁多，不來梅今季真係好勁，入球能力仲厲害，加上餘下秩序對車仔同巴塞，今場唔搏等幾時？
從賠率上，立博對AC米蘭、里昂同皇馬都開出主客和3路相同嘅賠率，其中主勝更加只壓到得番1.14倍。值得留意，通常呢啲賠率，主勝都冇走雞，3串1過晒都有1.48倍。
謝利
立博亞洲區首席博彩顧問
電郵：[email protected]