張曼玉（Maggie）近年幾乎長居法國，偶爾為咗拍廣告或者出席剪綵先返香港，搵吓外快。
早前憑電影《三峽好人》奪得本屆威尼斯電影節金獅獎嘅內地導演賈樟柯籌備開拍新戲《雙龍會》，女主角方面屬意Maggie，男主角就係台灣音樂人林強。
空姐戀軍官
《雙龍會》以上世紀50年代嘅香港做時代背景，當時香港由轉口港漸漸邁向工業化，部戲主要係講番工業化衝擊對中港台三地環境有乜嘢影響。戲裏面，張曼玉飾演空姐，林強就扮演國民黨軍官、由內地逃難到台灣，最後喺香港落腳，仲遇上Maggie。
劇情講述林強本想去美國，結果去唔成，因為佢同國民黨嘅關係，所以又去唔到內地，最後惟有同Maggie齊齊喺香港終老。
馮仁昭收到風，賈樟柯已經聯絡咗兩位演員，等緊回覆，其實佢年前已經同Maggie合作拍攝公益廣告短片，當時都傾過合作，但冇落實。
賈樟柯話：「張曼玉是個表演天才，很敏感，可以幫我塑造我所需要的角色，所以我特意為她寫了一個合適的角色。」
