歐協盃周四又有16場分組賽，有幾場都好筍，球迷不妨今日踏正十二點，就飛身去投注站落注。
阿積士贏2球話咁易
最有信心係塞爾維亞嘅柏廸遜，主場對意甲利禾奴，足智彩開個平手盤俾大家賭，咁就一定要撐主隊嘞！柏廸遜由前國腳中場湯馬斯帶領，一向靠主場搵食，歐協盃初賽階段兩場都由主場贏波，包括擊敗荷甲中上游嘅格羅寧根，今仗亦係柏廸遜首場歐協盃分組賽事。相反利禾奴因意甲加開快車，連同打埋歐協盃，近況已經殘殘哋，近四仗已經冇波贏，分組賽首仗已輸畀格拉斯哥流浪；以歐協盃經驗，點都係參加過歐冠盃嘅柏廸遜較佳。
阿積士今季大有起色，暫列荷甲榜首，攻力可靠，近8場入球達兩個或以上；今次主場對奧地利維也納，以維也納上仗主場都可以輸畀比利時升班馬華雷根，級數真係極低，一於博阿積士贏兩球以上。
最後揀場客隊，葡超嘅布拉加，根本唔夠級數打歐洲賽，上仗已經俾阿爾克馬爾大炒，今次有主場之利賠率變熱，利巴域主場可以打和西維爾，作客都有力贏布拉加，呢個3.5倍客W，臨場未必有㗎。文：牽牛