欣宜噚日如常去到醫院探望肥姐，可能有爸爸鄭少秋陪同嘅關係，比起之前明顯開心好多。秋官噚日出席完演唱會綵排後去到醫院探望前妻，佢話肥姐嘅情況好咗，而且冇轉到去深切治療部。秋官又慨歎話另外兩個女因為成日俾狗仔隊追訪而埋怨佢，反而太太官晶華就成日提佢要去探肥姐。至於有雜誌寫肥姐揀相，似乎暗示其病情不樂觀，秋官聞後笑說：「呢啲唔使理佢。」