事隔兩年，香港先引入PS2行貨，到PSP已改善不少，跟日本只相差半年，點知新世代遊戲機PS3仲勁，有望11月17日跟美國同步推出！
事緣係筆者收到SCEH將舉行嘅PS3發布會通知，即致電相熟公關Ｋ小姐套料，雖然佢三緘其口唔爆料，不過最後都講咗句：「邀請函自有玄機！」當下立即細看那封Invitation，卒之發現記者會開場時間為11時17分，相當之「零丁」！筆者由此大膽推斷，行貨將跟美國11月17日同步推出（日本則於11月11日發售），雖然貨源肯定不多（要跟台灣爭行貨），不過對港機迷嚟講總算係好事。其實早在5月嘅E3上，SCEH公關大員已透露PS3行貨將同步推出，不過當時筆者抱頗大懷疑態度，問過Game舖及行家，更認為「MissionImposible」！今勻有機賣兼有Sample預早俾傳媒試機，都算俾佢哋叻番次喇。記者：徐影龍