「相信我，你係練武材料，只要你肯畀10蚊，我就將呢本秘笈賣畀你。」在電影《功夫》中，周星馳飾演的主角星仔，童年時在街頭被花言巧語所騙，花盡積蓄買下《如來神掌》秘笈，雷同情節近日竟在深水埗重演！
網民Tommy日前在迷你論壇講述他被騙遭遇：「話說今日小弟放咗學去黃金買DVDR（可讀入光碟），出嚟嗰陣見到有人表演功夫，喺度玩劈石，有好多人圍觀吓。」Tommy於是加入圍觀，不久便有警員到場驅趕。「個師父當時問邊個想學，可以跟佢入後巷拎傳單，我同幾個𡃁仔咪入去囉。」
「跟住佢同我哋幾個𡃁仔握手，話感應到我哋當中有人冇誠意，所以要大家畀錢請佢食餐飯表示誠意，我唔想畀錢，咪畀張零食物語50蚊現金券，佢都照收，然後就畀咗本秘笈我。」
19歲副學士上當
Tommy得到「師父」傳授的秘笈名為《點穴秘法寶藏》，共13頁，主要用簡體字編印，內有擒拿術淵源、鎖指功和練步功等功夫，還有藥功秘方，教人調配藥水解穴；另外還附有中國嵩山少林武館的手機號碼，內容跟周星馳電影一樣「無厘頭」。
記者聯絡到Tommy，他自稱19歲，正就讀副學士課程，對於有網民的質疑：「你咁都信佢（師父）？」Tommy就解釋：「我之後都覺得俾人呃咗，不過我純粹出於好奇，當時又覺得冇乜蝕底，咪跟佢入後巷囉。」
Tommy透露，「師父」年約40歲，相信是港人，當晚在深水埗黃金商場對開，身穿功夫裝表演劈石。Tommy呼籲：「大家日後見到類似嘅人，記住唔好畀佢呃呀！呢本爛鬼秘笈我梗係唔會跟住練啦！」
