現任扶貧委員會秘書長余志穩（StephenFisher），未調離民政事務局前主力搞人權問題，好多人都讚佢上心又勤力，相信一定會有成果。
點知一切就緒時，Fisher就被調職，包括香港人權組織、香港基督徒學會、香港天主教正義和平委員會在內嘅多個NGO覺得，Fisher一走，種族歧視草案不見寸進，性傾向歧視立法又無進展，啲少數族裔同兒童論壇等更陷於癱瘓局面。
最離譜係Fisher在位時講過對成立人權委員會持開放態度，點知佢走咗後，政府改晒口風，話無此需要；呢啲唔係叫「人亡政息」，又叫做咩呢？
所以多個人權組織已經去信民政事務局常秘林鄭月娥，希望有機會見面，跟進以上問題；畀唔番Fisher佢哋，都可以好好哋畀個交代啩。