周一3場瑞超聯賽事，心水之選是佐加頓斯迎奧斯達，熱捧主隊開W，串AIK蘇納作客贏加爾斯，以及馬模主場對哥登堡開入球「大」，3串1過關全中有4倍。
去屆瑞超聯冠軍佐加頓斯雖然已經衞冕無望，但是該隊人腳始終強勁，而且陣中兩名前鋒馬廸亞斯莊臣及蘭斯戴維斯近仗頻有「士哥」，其中後者更於對上4仗射入3球。
客軍奧斯達正力爭留級附加賽席位，戰意亦毋庸置疑，惟實力弱兼狀態差的奧斯達，今訪佐加頓斯實在難望爆冷。佐加頓斯W有1.5倍，穩膽之選。
AIK可挫加爾斯
至於加爾斯主場對AIK蘇納，後者正全力爭取成為聯賽冠軍，以參加下屆歐冠盃，戰意十足；加上前中後3線實力強之餘，兼有入球能力，今對原則上沒降班威脅兼有射手尼基鬧入球荒的加爾斯，全取3分應無問題，就捧1.7倍的客W。
馬模及哥登堡這兩支褪色勁旅，同是識攻唔識守，取1.6倍的入球「大」啱數。除此之外，考慮到哥登堡最近於客場表現差，近4場聯賽作客未嘗1勝，又有後衞丹尼士莊臣要坐波監，防守力因而受損，故亦可兼顧兩倍的馬模W。
吾中