哈，呢排成日掛住睇吓啲車廠有咩新車推出，都唔得閒走去收風，好在我班Friend有時都幾幫得手，佢哋如果喺網上見到有咩關於車嘅News，都會Send個E-Mail過嚟話我知。好似早兩日咁，佢哋就Send咗單料畀我，話喺日本同香港都好受年輕車迷歡迎嘅小車Mitsubishii，喺最近奪得「最佳設計大獎2006」。呢個大獎係由JapanIndustrialDesignPromotionOrganization所頒發，而i更係首部獲得呢項殊榮嘅小車。
新車之所以能夠獲獎，全因廠方喺車子外形、車廂布局及機械配搭三方面作出改變，務求以最好同最新嘅Design來迎合車迷要求。對於i今次能夠獲得呢項殊榮，車廠主席OsamuMasuko先生感到高興之餘，亦表明日後廠方會繼續努力，設計及推出更多能迎合市場嘅車款。咦，睇嚟廠方今次係下定決心，要擺脫先前眾多不利傳聞所帶來的陰影，發奮圖強咁話喎！Mitsubishi，「奸巴爹」呀！
記者：鄭達基