愛貓的Amame本月初在寓所附近的海旁餵飼七隻流浪小野貓，正苦思如何為牠們找一個安樂窩時，卻驚聞有劇毒眼鏡蛇虎視眈眈，恐對小貓不利，BeautyExchange姊妹在網上商討營救方案，希望盡快從蛇口邊緣救回小貓。
Amame說小貓分成兩「竇」，一「竇」有六口，由貓媽媽帶領，落單的一頭黃色小貓性格較怕醜及膽小，「要分開餵佢食嘢，因為佢細膽，所以非常令人憐愛。」餵飼這群流浪小野貓大半個月後，Amame對牠們日久生情，故日前從在海邊釣魚的大叔處，得悉附近有蛇出沒時非常憂心。
曾見粗壯眼鏡蛇
「試過喺大石隙走出一條手瓜咁粗嘅眼鏡蛇，聽完後真係嚇死我。眼鏡蛇好毒，好彩眼前貓咪一家六口都齊全無事，之後再行去遠處餵細膽貓咪就心驚驚，佢哋長期住喺度，畀眼鏡蛇咬一啖或食咗點算？」
她說曾想過收留牠們，然而貓兒怕人難以捕捉，報警的話差人又說要見到有蛇出沒才受理，「好擔心貓咪會有危險，心情忐忑不安。」哈密貓建議在附近放硫黃驅蛇，並說事不宜遲，「啲蛇要食飽冬眠，希望啲貓唔會俾佢食咗啦。」