李克勤同甄妮前晚喺將軍澳演出《童心同行愛之夜》，佢演唱時台下十呎以外一部電視機忽然冒煙，要工作人員即時搬走，好在未有影響演出。準新郎哥克勤話已經將唔同日子嘅婚期話畀譚詠麟同許志安等好友聽，到時邊個出賣佢都會知道，順便考驗友情喎。李克勤早前幫商台擔任嘉賓主持，同聽眾大談欣賞嘅作詞人，佢話最欣賞嘅填詞人係林振強。