樂基兒前晚在中環行騷遇上舊愛陳平治，男方左閃右避，令樂基兒要提早收工遷就。對於有傳她大髀的BB紋身是當年為陳平治而紋，向來EQ高的樂基兒都罕有發火說：「我唔係每樣嘢都同ex有關！」
名模AnaR.和樂基兒等前晚在中環ifc為意國名牌RobertoCavalli專門店一周年活動行騷，穿上亮麗性感晚裝擔任模特兒，吸引賭王何鴻燊千金何超瓊、胡敏珊和名媛葉梁美蘭等捧場。
分手劃清界線
樂基兒站在門口接受訪問期間，舊情人陳平治（Perry）到場，並火速閃入店內，樂基兒揚言見不到對方，她說：「我哋都冇聯絡㗎喇，因為我已經有男友。」問到盛傳她大腿上的BB紋身，是當年為男友陳平治而紋，樂基兒聽完即時火起，連珠炮發說：「我唔明囉，我唔係每樣嘢都同ex（即前度）有關㗎！我一向少講男友嘅嘢，何況係ex，呢啲要尊重人哋，分咗手，各自有生活喇，唔使再提啦，我都唔想講自己嘅history。」
Perry拒做訪問
問樂基兒是否為了尊重男友黎明？她說：「係對朋友嘅尊重。」問她與前男友碰頭會否覺尷尬？她說：「唔會，我哋仲會打招呼㖭，聯絡就冇需要喇，但若果佢有需要，我會幫手。」
不過陳平治似乎也不想與舊愛見面，他兩次被公關請他出門口拍照，但發現樂基兒仍在接受訪問，即閃入店內，最終要公關叫穿晚裝裙的樂基兒提早收工離開專門店，陳平治才肯露面影相，但他又聲稱太忙而不接受訪問。此外，張燊悅前晚穿低胸裝拖住男友楊哲安在ifc商場拍拖，之後換上另一套衫出席另一活動。
採訪：顏英儀
攝影：陳志嵐
