古天樂（圖一左）同成龍主演嘅電影《寶貝計劃》前晚喺銅鑼灣舉行祝捷會。之前有傳許冠文（圖二）因拍呢套戲而同成龍不和，前晚佢都係嚟一嚟就走，仲話要恭喜古仔部戲收得，講到套戲好似唔關佢事咁，後來成龍話唔會同人不和，又話許冠文有嘢做先至早走。至於古仔呢排忙緊排練百事喺北京舉行嘅音樂會，仲會同蔡依林跳舞，可惜唔係辣身舞！佢又話要錄定音，因為跳舞好難唱到歌，咁即係咪嘴啦！
