「正氣」球隊里昂今仗有主場之利，對手雖係南錫，照理無得「拗頸」，里昂熱都要捧。（球賽編號：星期日48；無綫收費電視26及now826台明日4:00am直播）
里昂今季表現無敵手，近12場全勝，真係贏到你驚。牌面數據無敵，今又有主場之利，現時的里昂實在無得賭「拗頸錢」。
上周中法聯盃主場鬥聖日耳門，里昂亦只係半力，照贏2:1。雖然周三又要踢歐冠盃，但只係主場對威脅力不大的基輔戴拿模，計正法聯盃休戰的祖連奴比南布肯奴、艾比度及馬隆達3大主力，將齊齊復出。
其實南錫近況都唔差，連續8場不敗（5勝3和），但今仗有守將廸亞加廸停賽，隊中次席射手加斯頓古比路亦有傷在身，級數同里昂亦始終有距離，搶分機會實在有限。
馬賽走下坡捧尼斯
同日較早時間開賽另1場法甲聯，尼斯今季主場表現對辦，客軍馬賽正走下坡，可博主隊成功搶分，主隊受讓平/半捧下盤。（球賽編號：星期日36；無綫收費電視26及now826台明日1:00am直播）文：華度
法甲投注策略
主客和：星期日48里昂勝（1.25）
讓球：星期日36尼斯（下）（1.81）
波膽過關：星期日36尼斯和1:1（7）x星期日48里昂勝2:0（6）2x3