霉足多年嘅日本失婚女星高岡早紀，早前因為被偷拍到同中村獅童深夜撐枱腳，令佢人氣由谷底回升。前日，高岡同名攝影師篠山紀信出席新寫真集記者會，吸引唔少記者到場。高岡捉緊機會，一方面強調同中村獅童只係普通朋友，但又話好希望對方可以欣賞自己本寫真，令佢成功爭取見報機會。