汪明荃（阿姐）噚日坐住架名車喺銅鑼灣宣傳代言嘅健康食品，好鬼巴閉。阿姐話自從做咗代言人後，藥廠老闆就贊助佢大量蟲草膠囊。問阿姐會唔會考慮注射人胎素？佢話唔知乜嘢係人胎素，而且佢只會揀天然食品，所以唔會亂試。另外，有份出席活動嘅滕麗名就話佢隻狗有脂肪瘤，畀咗啲靈芝膠囊狗仔食後，情況已經有好轉咁話。