周中各國盃賽開始，周末又輪到正常比賽。
先講德甲，頭場拜仁主場對住法蘭克福阻力不大，應可順利過關。而漢堡上場表現很好，最後能反勝對手，今場主場一定要答謝球迷，對住漢諾威應可再下一城。波琴對禾夫斯堡呢場比較均勢，論實力後者稍稍佔優，外圍投注額亦傾向於下盤，馬會和局維持於3.15水平可一博。
英超方面，車路士同阿仙奴我就唔係點擔心，但係利物浦雖然有主場之利，但係對住連續4場不勝嘅維拉並唔樂觀。今季維拉4次作客雖仲未試過凱旋而歸，但4戰全和未輸過，亦都飲得盃落，我信奧尼爾叻過賓尼廸斯，一於撐維拉！
另外曼聯作客保頓呢場波，小弟實在睇唔透，事關賠率3.5、3.4、1.85，好明顯係絕對唔睇好和波，但係相對地又唔敢壓低客勝賠率，可謂暗湧連連，大家要小心！尾場紐卡素對住查爾頓，希望唔好爆冷，主勝有成1.72幾好分。
米蘭打吡今非昔比
雖然呢個禮拜仲有場AC對國米，但係呢啲鬥氣波都係少賭為妙。AC唔識入波，國米又唔多爭氣，都唔係以前既米蘭雙雄，仲有咩好買啊！
謝利
立博亞洲區首席博彩顧問
電郵：[email protected]