許冠文昨日帶領12位《一擲千金》的千金小姐，到尖沙嘴出席節目贊助商的支票交接儀式，上台時又風騷地搭着千金小姐膊頭合照，似不怕坐在台下的太太呷醋，事後他接受訪問時，否認太太現身監場，更笑說：「𠵱家個個藝人都有保母，所以咪叫佢嚟幫我倒吓茶，遞吓水囉。」認真沙膽。
《一擲千金》首集將於明晚播出，對撼亞姐決賽，當知道亞視提供3D立體眼鏡讓佳麗身材更養眼時，許冠文即幽默地說：「咁我都要梳番靚個頭，再練吓自己啲身材先得」。
推台慶特別版
陳志雲昨日則向記者表示，《一擲千金》將會為台慶最佳男、女主角的得主推出台慶特別版。
提到EO2成員Otto的舉中指事件，陳志雲說：「我要了解吓佢想表示啲乜先，咁樣當然係對形象唔好啦，要提提佢上節目時一定唔可以咁做。」之後他又主動提到日前收到李克勤的請飲電話，但他不肯披露細節。
採訪、攝影：藍文浩
