何韻詩前晚首場個唱，好友容祖兒未有到場，但歌迷沒有忘記祖兒，當偶像說謝詞時，有歌迷大叫要多謝祖兒，阿詩聞言忽然思緒紊亂說：「吓？黐線㗎，都唔知講乜㖭！」
其實阿詩在個唱上都有意無意談到戀愛問題，現年29歲的她說：「大家睇我乜都夠膽死，講到感情就幾怕醜。每個人都經歷暗戀時代，然後咁上下時間就有拖拍，但我嘅暗戀時代喺0歲至26歲就結束，𠵱家唱嘅係我暗戀時代嘅歌。」她隨即唱《未來》及斷背情歌《明目張膽》。
「你哋自己get啦」
阿詩後來完成向阿梅致敬的環節時說：「1996年至2006呢10年，我覺得好自豪，因為我喺香港樂壇講過以下呢句說話。」然後唱斷背歌《露絲瑪莉》及《勞斯．萊斯》。事後問阿詩是指甚麼說話，她故弄玄虛說：「你哋自己get啦。」