周杰倫7年前由台北縣五股鄉公所兵役課認定體格屬丙等，並由三軍總醫院覆檢，確定唔使當兵，之後一直有傳佢係偽造假病歷，逃避服役。後來周杰倫委託律師向台北地檢署抗辯，提出自己有患上僵直性脊椎炎嘅證明，檢察官將病歷同佢嘅X光片送交衞生署醫事審議委員會鑑定，噚日終於有結果，證實周杰倫冇偽造病歷，仲要佢定期返醫院覆診。