經過等待又等待，今個星期，可以試吓啲冷W！狀態下滑，加上周中歐冠盃，我會冷敲今個禮拜強隊失分！
曼聯今晚會全失3分！小弟自睇波以來，一直都唔知點解主場咁重要？不過，我明白了！先有和富大埔主場迎戰南華，搞到客軍得番半條人命！小弟周中小休，去上海飲飲食食，亦一償心願，參觀咗當地嘅8萬人體育館！
主場真係可以好勁
「嘩！使唔使先坐咁多人呀！真係好大呀！唔好話英超，我諗大埔如果喺度主場對巴塞，8萬街坊睇波支持愛隊，客隊想贏都難啦！」以上係我坐喺場館發白日夢，幻想嘅賽事！不過，講番今晚曼聯作客對住開季相當好嘅保頓，專打大老虎，紅魔一定輸波！
另一場心水，我認為利物浦主場會失分！事實證明，維拉完全係有能力悶和利記！加上紅軍上場對曼聯，完全被技術性擊倒，根本唔係一隊正常嘅利物浦！我貪心啲，維拉作客贏波！
韋斯咸下年英冠見
至於明晚，真係要睇實韋斯咸，呢期仲唔係佢做我明燈！自英超開季贏過查爾頓之後，一直輸到𠵱家！買咗兩件南美貨，還魂丹變毒藥！我今晚當然要佢對家布力般！
周鵬
商業1台《球迷集中贏》主持
電郵：[email protected]