混血名模AnaR.前晚以性感金色裝束在灣仔宣傳新車，同場的貝安琪自爆寧願捱地鐵都不想乘坐的士，皆因常遭的士司機騷擾，查問其住所及同行朋友，又用倒後鏡狂昅她，令她大呼心驚驚。
瑞典汽車生產商Volvo推出全新S80轎車，前晚在灣仔陳列室舉行揭幕禮，混血名模AnaR.以性感金色裙上陣，在新車內騷胸兼露長腿，成為全場焦點。不過，論地位則貝安琪小勝一仗，她以嘉賓身份與Volvo高層齊齊主持揭幕禮。
在港寧願坐地鐵
大談車經時貝安琪卻倒米說：「我係半個德國人梗係鍾意德國車，好似BMW、法拉利之類。」她透露明年準備考車牌，皆因她在港工作乘坐的士常被騷擾，她說：「我喺香港都係坐地鐵呢類公共交通工具，好少坐的士，因為我領過嘢都怕怕，啲的士司機可能認得我，一上車就問長問短，問我係咪住目的地附近。」
貝安琪續說：「啲司機又成日喺倒後鏡左昅右昅，真係有啲驚！我同朋友一齊坐，啲的士司機又問：『呢個你朋友呀？』好老套囉！有人叫我講英文扮唔識聽，但我又怕佢哋兜路。」
AnaR.變病美人
幸好貝安琪謂還有不少男性朋友自願做「柴可夫」司機，接送她出入，小時候則經常由擔任業餘車手的德國父親載她兜風。
AnaR.與多個模特兒合組香車美人圖，見她消瘦不少，她說：「可能因為返內地工作，食物不潔，令我常常胃痛及出紅疹，我也有接受檢查及注意飲食。」她又解釋之前刻意減磅拍內衣廣告，問其男友周立璟可有投訴她過份性感露肉，AnaR.說：「這個是我的工作，性感也是我的特色。」
採訪：JessicaNgan
攝影：ChanChiLam
